रत्नागिरी : बाळंतपणानंतर येणाऱ्या लठ्ठपणावर आहारातून उपाय सांगण्यासाठी नाशिक येथील प्रसिद्ध न्यूट्रिशनिस्ट नितीन दाढे यांचे मोफत मार्गदर्शन येथील ट्रिनिटी हेल्थ ग्रुप आणि वीरश्री ट्रस्ट यांनी आयोजित केले आहे. हा कार्यक्रम १० जून रोजी मारुती मंदिर येथील महिला मंडळ सभागृहात सायंकाळी चार ते पाच या वेळेत होईल.

गेल्या काही वर्षांपासून आपल्या राहणीमानात मोठ्याप्रमाणात बदल झाला आहे. कष्टाच्या कामांची जागा मशिनने घेतली आहे. नोकरदार महिलांची बहुतांश कामे बैठी असल्याने महिलांमधील लठ्ठपणा वाढत जात आहे. त्यातच बाळंतपणानंतर लठ्ठपणात वाढ होण्याचे प्रमाण वाढत जात असून, महिलांसमोर ही मोठी समस्या आहे. अशावेळी जिम, योगा, झुंबा, चालणे यांसह अनेक प्रकारचे प्रयोग केले जातात; मात्र अनेकदा यातून वजन कमी न होता नैराश्य येते.

या पार्श्वभूमीवर आहारातून वजन कमी करण्याविषयी प्रसिद्ध न्यूट्रिशनिस्ट नितीन दाढे मार्गदर्शन करणार आहेत. या मोफत मार्गदर्शनाचा लाभ घेण्याचे आवाहन ट्रस्टचे अध्यक्ष डॉ. नीलेश शिंदे आणि उपाध्यक्ष डॉ. तोरल शिंदे यांनी केले आहे.

कार्यक्रमाविषयी :
दिवस : रविवार, १० जून २०१८
वेळ : सायंकाळी चार ते पाच  
स्थळ : महिला मंडळ सभागृह, मारुती मंदिर, रत्नागिरी.